MAPISHI - Biriyani Ya Kababu

 
 VIPIMO VYA KABABU
Nyama ya kusaga                                               1 Kilo

Thomu na tangawizi ya kusagwa                       1 kijiko cha supu

Vitunguu vilivyokatwa vidogo

vidogo (chopped)                                               2

Kotmiri iliyokatwa ndogo ndogo

(chopped)                                                           1 kikombe

Chumvi                                                                kiasi

Pilipili mbichi iliyosagwa                                     1 kijiko cha chai

Pilipili manga                                                      1 kijiko cha chai

Bizari ya pilau (cumin powder)                          1 kijiko cha chai

Gilgilani iliyosagwa (Corriander powder)           1 kijiko cha chai

Mdalisini wa unga                                               ½ kijiko cha chai

Chenga za mikate (Bread crumbs)                    1 kikombe

Mayai                                                                   2

VIPIMO VYA WALI NA MASALA

 Mchele (Basmati)                                                 5- 6 Vikombe

Vitunguu                                                               6 vya kiasi

Mafuta                                                                 ½ kikombe

Nyanya zilizokatwa ndogo (chopped)                4 kubwa

Pilipili mboga ya kijani kata

ndogo ndogo                                                       2

Pilipili mbichi nzima                                             3

Garam Masala                                                     1 Kijiko cha supu

Hiliki ya unga                                                       ½ kijiko cha chai

Mtindi (Yoghurt)                                                 ½ kikombe

Nyanya ya kopo                                                  2 Vijiko vya supu

Chumvi                                                                kiasi

Mafuta ya kunyunyzia katika wali                     3 vijiko vya supu

Zaafarani au rangi za biriani

ya manjano na kijani                                         kiasi.

 NAMNA YA KUTAYRISHA  NA KUPIKA

KABABU

 1.      Changanya nyama, na vitu vyote ispokuwa mayai na chenga za mkate .

2.      Tia mayai uliyoyapiga pamoja na chenga za mkate na changanya vizuri.

3.      Fanya madongo ya umbo la yai (oval) kisha panga katika treya ya oveni na uchome kababu katika oven.

4.      Epua zikiwa tayari na ziweke katika treya au bakuli utakalopikia biriani.

 MASALA 

1.      Tia mafuta katika sufuria na kaanga vitunguu hadi viwe vyekundu.

2.      Tia nyanya, pilipili mbichi, pilipili mboga, bizari zote, chumvi na kaanga kidogo.

3.      Tia nyanya ya kopo kisha tia mtindi, iache kidogo katika moto, kisha mimina juu ya kababu na uchanganye pamoja.

4.      Chemsha mchele uive nusu, tazama kiini kama kawaida, kisha chuja na umimine juu  ya masala.

5.      Tia rangi za biriani kama ni zaafarani au rangi ya manjano na kijani juu ya wali kidogo, nyunyizia mafuta kidogo na changanya kidogo tu juu  ya wali  .

6.      Funika kwa foil paper na pika katika oveni moto wa 450 Deg kwa muda wa dakika 20 hivi.

7.      Epua na pakuwa wali katika sahani kisha masala juu yake ikiwa tayari kuliwa.

KIDOKEZO:  Ni vizuri kutumia treya za oven za foil (Foil paper tray)